QUIÉN SOMOS

Fame Poétika somos un colectivu que naz nel añu 2013 en Xixón y que dende esi añu vinimos entamando cada mes una timba poética, cada timba consiste nun micro abiertu nel que cualesquiera pue lleer poemes o rellatos curtios, d’ellaboración propia o d’otros autores. Por embargu, les timbes nun son namái de poesía, ye dicir, tamién la música (que ye perimportante pa nós) tien un güecu en cada eventu, pa ello un grupu o cantante da un conciertu pa los asistentes.

En toos estos años collaboremos con artistes al altor de Nacho Vegas, Fee Reega, Nacho García, Alfredo González… y entamemos timbes per dalgunes poblaciones d’Asturies como Xixón (El Bello Verano, Café Trisquel, La Manzorga, El Patio de la Favorita, La Revoltosa, Toma 3), Mieres (Llibrería La Llocura, Auditoriu Teodoro Cuesta), Avilés (Café Lord Byron), Morcín (Feria del llibru 2017), Uviéu (La Calleja). Amás, tamién collaboremos cola asociación Les Lettres BABEL en Bordeu (Francia) y participemos nel Festival Kerouac en Vigo (Galicia).

Tamos abiertos a cualesquier propuesta que nos llegue, quier pa entamar una timba nun sitiu onde enxamás tuviemos, quier pa collaborar en cualesquier actu. Nel casu de que dalgún quiera qu’entamemos una timba nel so llocal, aconseyamos que llea’l códigu xeneral.