ESPUBLIZAMIENTOS

Ye la primer antoloxía del colectviu. Espublizóse nel añu 2014 por La Manzorga y nella apaecen poemes de parte de les persones que recitaben nes timbes de 2013 y 2014. La primer edición escosó aína (prácticamente en dos selmanes) y fízose otra nueva corrixendo dellos fallos. Anguaño ta descatalogada dafechu.

Fame Poétika nun ye namái un recopilatoriu de los poemes de les timbes poétiques de La Manzorga, ye l’empiezu de daqué que lleva más de mediu añu añagando los chigres y les mentes d’unos mozos de Xixón. Nesti llibru entemécense suaños, cerveces, oxalás y nunques.
 
 
Continuación de l’anterior antoloxía, esta vegada editada con Rema y Vive nel añu 2015. Col mesmu espíritu del espublizamientu anterior, surdió la posibilidá d’espublizar con Rema y Vive gracies a que l’editor Juan J. Alonso, profesor de filosofía de dalgunos de los miembros de Fame Poétika, ufrió la so editorial pa l’antoloxía nueva. Esti llibru pue mercase en llibreríes y na páxina web de Rema y Vive.

Seguimos con Fame ye la continuación del poemariu Fame Poétika que da nome al proyectu independiente que ta golpiando les coraes de la poesía norteña. Apostando pola poesía en directo y en común, y col micro abiertu como filosofía, surde esta antoloxía qu’atropa dalgunes de les voces sentíes nes timbes poétiques que Fame Poétika entamó en dellos llocales d’Asturies… Magar qu’aspiren al cielu si ye preciso.